О Пресвятая и Приблагословенная Мати сладчайшего Господа нашего Иисуса Христа непрестанная перед Богом молитвенница и заступница.

Благодарим Тя, что в годину скорбей, испытаний в краю Новгородском явила пастушку в лесу на берегу реки Мологи на камене Свой образ Теребенской Божьей Матери. Припадаем и поклоняемся Тебе перед святой чудотворной иконою Твоей, воспоминающе дивное знамение Твоего заступления милость свою нам показавшая, когда многоцелебным Твоим омофором покрыла и исцелила край Городецкий от страшной болезни.

Молим Тя, умягчи окаменелые сердца наши, вложи в них дух страха Божья, дух благочестия, дух смирения, в напастях терпение нам подаждь, во благоденствии – воздержание, к ближним любовь, ко врагам всепрощение, в добрых делах преуспеяние и да не убоимся и не устрашимся враг видимых и невидимых.

Сохрани истинную святую Православную Церковь и положи начало покаяния людей русских.

Возврати Святую Русь на дарованный ей Богом путь неповрежденной веры, да наполнится фимиамом молитв и расцветет, аки крин сельный, да поживем во благочестии и чистоте, всегда хранимые Тобой от искушений, междоусобные брани, труса, огня, глада и мора, от напрасной смерти.

Обитель нашу от расколов и ересей огради. Монашеское житие укрепи и спаси ны, Пречистая, яко уповаем на Тя.

В страшный же день Суда сподоби нас ходатайством Твоим стати одесную Сына Твоего, Христа Бога нашего, Ему же подобает всякая слава и честь и поклонение, со Отцем и Святым Духом, ныне и присно и во веки веков.

Аминь.